2009年12月30日星期三

12-30(wed) love mi鄭秀文演唱會2009 + 巴不得爸爸

好忙好忙好忙…不過都要記得佢先…呢期主力o係紅館紥營…:p

話說撲o左好耐, 上星期四平安夜忽然有飛可以去睇sammi…坐o既位都唔錯添! 今次大家撲飛撲得咁辛苦, 所以我有得去睇都已經好感動o架喇!

頭場LOVE MI o既特別嘉賓居然係...劉華!!! yo! andy go andy go go~~~



劉華出場的時間的確係全場氣氛最熱烈的時候...大家企晒起身同佢o地一齊唱"一起走過的日子"同埋"我恨我痴心"…不過雖然劉華係眾人最夢寐以求看到的嘉賓...但我其實更想睇許志安 (因為以前每次睇sammi演唱會都好似係睇緊佢兩個o既演唱會咁...真係太不可分割…sorry :p) 同李克勤 (因為眾所周知我是"浪族闊少爺"的超級超級fans) 做嘉賓的兩場...hohoho...我的喜好...是奇怪的!

不過當日…其實佢都o係我左近…



呢篇報導係講安仔做嘉賓o個晚…仲有list埋佢o係sammi七次個場合唱o既歌同埋所發生o既事情…資料都幾充足…不過應該講埋99年紅館停電sammi哎安仔救命呀嘛~



有情歲月:七次個唱 場場有安



另外, o岩o岩過o左o既假期一連追o左十幾集“巴不得爸爸”…之前都講過, 雖然佢係好胡鬧同埋周圍抄…但都有d笑料o既…同埋輕輕鬆鬆鄧梓峰加上係懷60年代的舊o岩晒我! 都算幾好笑, 好過d懶heavy的劇, 同埋個個演員都做得幾好, 尤其係陳錦鴻同吳唱K兩父子! 而以呢d時空交錯劇o黎講劇情都唔算太犯駁o架喇…我覺得可以接受!不過個open ending又確係令人好嬲o既~!!! 仲有我想講係, 做胡杏兒個妹o既黃智雯, 以新人o黎講算做得好好…同埋我見佢做“東張西望”主持亦都唔錯…有potential! (同埋唔知點解睇睇o下我覺得佢個樣有d少年顧紀筠囉...hohoho!)

仲有呀, 依家亞視深夜居然做緊我之前因為寫“藍月亮”而提過o既“四驅橋聖”…主角又係羅頌華哥哥同袁潔儀姐姐…幾乎同“藍月亮”一樣…係無o左萬二蚊咋! 呢套我當年反而有larp過…好似係91年暑假, 因為o個期興玩四驅車所以整o左套咁o既劇集…同“浪族闊少爺”差唔多o個期…都幾搞笑o下! 更搞笑o既係…見到張錦程做學生! 哈哈!

6 Comments:

Blogger moon said...

巴不得爸爸真係好在唔heavy,雖然好毛聊,但有時有d位幾好笑,好過呢期o既不打自己人丫~

冇期望冇失望,佢呢個結局幾好喎~ 幾樣估唔到: 估唔到楊c奇係咁,又估唔到兩父子關係係咁,真係算係意想不到!

算係咁喇~

1:42 下午  
Anonymous 匿名 said...

我其實好"DUNG"呀許志安正印女友(MICHELLE?)慘.好似全香港...應該話係全球華人都希望安仔SAMMI復合.

溫哥華匿名人

3:56 下午  
Anonymous 紙巾 said...

我初時睇完個ending都嬲爆,狂鬧做乜喜劇都要open ending。但後來上newsgroup睇人解釋返個ending,又好似ok返,同埋如果真係咁鋪排的話,仲覺得個編劇都幾有心思:

喬寶寶就係果個未來戰士,佢話去到美國會變成另一個樣。
美國帝國大廈就係佢所講40年後(2009年)的時光裂縫。

佢唔講我真係諗唔到囉!

4:22 下午  
Blogger 芒姐 said...

紙巾,

嘩...喬寶寶係未來戰士都諗到...真係好勁喎! 如果係又真係好有心思喎! 不過最尾O個句真係好攞命, 唔寫出O黎就咁入[車立]然後完仲好D...同埋佢如果要咁樣完, 記住真係有續集先好囉...:P

12:39 上午  
Blogger 芒姐 said...

溫哥華匿名人,

其實我好認同你所講O既O野, 但我亦不得不承認我係想SAMMI同安仔復合的十九幾萬人O既其中一份子...:P

12:41 上午  
Blogger 芒姐 said...

moon,

係啦, 我同你一樣都係估唔到楊思琦O個PART同埋楚慈係養子O個PART...整體O黎講呢套劇算唔錯!

呢排"畢打自己人"真係唔得...太HEAVY, 連帶社長同老總O個段情都睇得人好氣結!

12:44 上午  

發佈留言

<< Home