2007年3月23日星期五

3-23(fri) 再生緣@一觸即發

上個禮拜終於有時間睇o左少少深夜o個套翡翠首映-“天下第一”…因為有葉璇嘛, 仲要又係女扮男裝…睇完“再生緣”再睇埋佢主演o既其他劇集之後, 發覺佢都係呢樣o野最耍家! 佢o既古裝女扮男裝look, 真係仲煞食過佢做女人! 作為一個唔多鍾意睇古裝劇o既人, 我覺得呢套劇其實都ok好睇, 仲要原來大部份都係我o地香港人熟悉o既演員, 依家真係興內地+香港crossover!

早前透露過我好鍾意睇o既“再生緣”將會推出dvd, 依家好似已經出o左添喇…平時幫yesasia寫tvb劇集介紹, 都唔會特別o係呢度post出o黎, 但因為係一套我咁鍾意o既電視劇, 所以特別要加多幾纏“錢”肉緊…hohoho!!!


再生緣dvd出o左喇…
http://global.yesasia.com/b5/PrdDept.aspx/aid-34964/section-videos/code-c/version-all/pid-1004624171/

“TVB 2002年的古裝大製作《再生緣》,大膽起用一批新紥小生花旦擔綱演出,效果卻出奇的理想,令多位主角人氣急升,亦造就了紅遍中、港、台的螢幕搭檔-林峰與葉璇的「璇峰組合」。葉璇的俊俏女扮男裝造型,是全劇的最大亮點,他與林峰的出彩演出亦令觀眾刮目相看,成功地讓觀眾進一步認識這兩位實力非凡的年青演員。林峰更初試啼聲,演唱此劇的插曲「記得忘記」,唱功之佳足以媲美職業歌手,表現出他多才多藝的一面。此劇還有其他已陸續上位的年青演員領銜主演,包括胡杏兒、楊怡、馬德鐘、馬國明、劉玉翠等。不得不提的是此劇曾遠赴杭州橫店影視城取景,那兒風光如畫,令此劇增添多分詩意。

此劇講述孟麗君(葉璇)父親孟士元(盧海鵬)為前朝御醫,飽學之士,卻思想守舊,相信女子無才便是德。絕頂聰明的麗君為求學問,女扮男裝到書院讀書,並於四處遊玩時結識了微服下江南的蒙古王孫鐵穆耳(馬德鐘)及忠直少年皇甫少華(林峰),三人結成兄弟。鐵穆耳看穿麗君的女兒家身份,卻沒有道破,麗君也對鐵穆耳暗生好感。士元打算將麗君許配予世交皇甫家,與此同時,權貴劉奎壁(張松枝)亦向孟家提親。麗君不滿盲婚啞嫁的制度,為了終生幸福,帶著婢女榮蘭(劉玉翠)離家出走,因其女扮男裝身份鬧出不少笑話,亦牽涉入多宗驚險重重的事件中。後來,麗君發現好兄弟皇甫少華便是與其有婚約的未婚夫,而鐵穆耳卻是……”




葉璇+林峰o係內地真係好紅, 仲要係孖住上咁紅法…雖然套劇上o左成四年幾, d人仲係好迷佢o地, 到今時今日仲係咁紅! 海外同埋內地o既影迷真係長情好多, 同埋佢o地製作o既網頁, 亦都真係用心+精美好多…發覺佢兩個o係內地真係有好多聯名網站(?!), 好似"峰雲星璇"etc., d人真係好想佢o地o係埋一齊…難怪葉璇接受訪問都話咁多年最難忘o既對手係林峰, 其中一個原因係佢兩個o既fans好團結(令人諗起當年o既sammi同埋安仔)!

講開“再生緣”, 早前o係youtube居然搵到一個好精彩o既節目…估唔到連呢d節目都可以睇番!


(再生緣@一觸即發-part 1)

講緊o既係“再生緣”版o既“一觸即發”…當年我係有睇過o架, 但係o個時係o岩o岩開始播“再生緣”, 未開始非常喜愛呢套劇…依家過o左幾年, 有得睇番我喜愛o既林峰, 葉璇, 仲有楊怡同胡杏兒我都ok buy…仲要呢個“跌落窿窿”o既節目都係我鍾意睇o既節目, 而d藝員仲要以劇中造型上去玩…好好睇囉!


2005-6-14(wed) 再生緣



2005-7-4(mon) 再生緣結局篇



2005-8-5(fri) TVB三小花三年成長記



(再生緣@一觸即發-part 2)

好耐無睇過呢個節目…差d唔記得點玩! 居然幾年後睇番依家好精彩! D參加者跌落個窿窿時…好有滿清十大酷刑feel囉! 黃子華做主持又的確係掂, 搞氣氛搞得好好…仲要係“再生緣”特別版, 更加好睇啦! 可惜我當時無特別留意呢一集, 反而錄起o左個“洛神”版囉…記得o個集又係幾好笑o架!

呢集d嘉賓都算高學歷, o係娛樂圈都無咩幾個係讀過大學, 起碼林峰, 葉璇, 胡杏兒三個都叫做讀過year 1, 雖然都係大學未畢業! 林峰答問題都ok喎, 記得佢有年o係台慶問答還節 (好似係2001年) 表現都過得去…反而同佢同team o既古天樂就好似完全無常識咁!



今次終於又係胡杏兒成為大贏家…o個期玩親咩遊戲節目藝人版都係佢贏o既! 咁佢又係叻o既, 尤其玩遊戲節目佢的確有一手, 好過o個個一味以為自己好醒, 其實只係聲大夾惡o既劉綽琪!

不過唔知點解成日都有d化學題醒俾佢答, 跟住佢又要晒一晒佢係讀科大…不過佢又係叻o既, 好多時讀完都未必記得o架嘛…再跟住又特登整條英國問題俾佢, 明知佢o係英國返o黎! 不過算啦, 做慈善係手鬆d! 佢最掂係d戲係好呀嘛, 成日懶緊張咁, 不過有時誇o左d囉…其實由佢當初選港姐時做o個個“喜怒哀樂”表情環節, 已經知佢係咁o架喇!

6 Comments:

Anonymous 匿名 said...

Hi, all,
check this:
http://www.youtube.com/watch?v=ZQSmW-XJNY0
Software programmers in TVB drama.
ha...ha...

8:09 上午  
Blogger Esaltato said...

阿芒姐, 你要為我作主呀。話說今日講開鄭秀文,我65歲既阿婆又搭咀,話佢都曾經鐘意鄭秀文。但係而家又話好憎,話佢同人一齊幾十年之後又飛起人,又鐘個頭埋去個咩咩樂度。之後又勁話佢係cheap雞死婆。究竟其實係邊個飛邊個? 我見許xx都唔方係好人,成日唱通街。

6:13 下午  
Blogger 芒姐 said...

Esaltato,

哎, 相"哎"唔好口嘛...何況係自己阿婆!

況且兩個人感情o既o野, 邊個飛邊個局外人又點會知得清楚呀...只係許志安之後成日走出o黎講 (我唔係話鄭秀文一句都無講過呀...), 咁d人梗係覺得佢肉酸囉...同埋o係呢d事上, 女仔一定係多人同情d o既!

算吧啦, 既然係你阿婆, 咁你咪由得佢囉...買飛去睇sammi演唱會支持o下佢咪算囉!

10:33 上午  
Blogger 芒姐 said...

shaw_mag,

真係有d騎呢...不過我覺得呢個都尚可接受o既, 畢竟佢都係想表達打得好瘋癲咁o者!

10:34 上午  
Anonymous 匿名 said...

芒姐,你個再生緣評論寫得好好呀!

我都好鍾意再生緣o架!!!主角+配角都咁正!好似劉玉翠&莫家堯,笑死我!楊怡果陣時又清秀又靚喎!不過芒姐你之前話馬德鍾同胡杏兒個角色好討厭,我又唔覺喎!幾好呀!

"記得忘記"簡直係林峰嘅首本名曲,跟住落嚟嘅"忘記傷害"都係代表作。

點解林峰@一觸即發可以心跳咁慢嘅?哈哈!好似好淡定咁。

我等咗好耐林峰d戯喇!遲d有溏心風暴,不過佢只係客串咋...

4:56 下午  
Blogger 芒姐 said...

++,

hoho...溏心風暴宣傳都無林峰o既, 我諗佢戲份得好少...點解今年咁耐都唔見有佢d劇出!

再生緣係少有我喜歡o既古裝劇...我個人認為首"記得忘記"其實好聽過"忘記傷害"好多...不過我又好鍾意睇"律政新人王喎!

5:47 下午  

發佈留言

<< Home